永發海鮮飯店

营业中

休息中

好耐无黎红磡啦，今晚约左旧同事dinner，拣左佢屋企附近既市政熟食中心，佢大赞呢间永发海鲜饭店，话要带我黎试下秘制葱油鸡~免费餐前小食有酥脆十足既花生。酥炸窝贴鲜虾小棠菜两面金黄色，松化香脆，炸得岩岩好不油不腻。以弹牙虾胶配上嫩绿小棠菜，再沾上脆浆炸脆，入口相当松软，外脆内绵，唔易散开，好香口。秘制葱油鸡用料简单，主要突出鸡肉同葱油既鲜香味，啖啖肉鸡件嫩滑，腌得入味，鲜美多汁，肉质香而不腻，入口清新而且葱香满溢。豉汁蒸仓鱼老板娘推介是日仓鱼够新鲜，拣左豉汁蒸，简单好味。鱼肉鲜味又滑溜，无鱼腥味，鱼背轻切一刀再蒸令豉汁更为入味。