民華餐廳

营业中

休息中

西多士 - 多士唔会太薄，所以口感几好，表面油炸至金黄，好香脆，入面口感松软，唔油腻，感觉多士几新鲜！配上炼奶同牛油，真系一啖接住一啖，停唔到口。虽然西多士入面冇夹花生酱，但都唔减分！菠萝油 - 菠萝包口感松软，皮都唔会过脆，唔会有一咬就甩晒嘅情况，我觉得整体嘅口感都唔错，而且牛油嘅厚度啱啱好，唔会太薄。秘制猪软骨饭 - 依个真系成日叫！佢个酱汁味道好好，好啱配埋饭同煎蛋一齐食！猪软骨都好软好👍！佢地嘅咖哩牛筋腩饭都唔错！另外仲有好多其他选择，包括「滋味常餐」、河粉、少量点心、蒸饭、火腿炒蛋菠萝包等等。虽然佢地嘅用餐环境同服务唔算特别好，但个人认为佢地嘅食物唔错！