撈得喜火鍋冰室

营业中

休息中

喺元朗广场行完街之后，我哋就去咗附近嘅街铺度食捞得起火锅冰室！好多各式各样嘅煲俾你拣，最后决定咗拣BB辣麻辣鸡煲拼虾。唔食得好喇，但系又好想食辣，唯有拣BB啦。鸡煲好吸引呀！呢一度呢系两个钟任饮任食，拣咗马蹄爽饮同埋一杯白桃乌龙茶，仲拣咗乳酪饮。鸡煲一上菜，虾同鸡都买相好靓，味道啱啱好，虾肉鲜嫩。食完鸡同虾之后就加汤就开始打边炉之旅。有好多唔同嘅菜式可以拣㗎，有山菜、菇类粟米。肉类有牛肉、鱼肉、鸡髀肉、豆卜、牛柏叶、蚝仔、蚬肉……可以任饮任食，但系千祈唔好浪费呀！鸡煲汤底好浓郁，加好多次汤都仲系好有味，各种菜式同呢个汤底都好夹，最后大家都食得好饱，正呀！