影片
更多
2019-09-28
584 浏览
每次同一大班朋友食饭，都会烦恼去咩餐厅可以坐到咁多人之余，又唔洗等好耐位。谂黎谂去，都系食下放题火锅类既餐厅系最佳之选～平时多数都系喺朋友屋企打边炉，但今次大家都懒买野同洗野，决定出去食～我地去到油麻地地铁站附近既「滚喜」，佢地既店铺好大间，包保多多人都坐得落，仲好宽敞舒适添～ 我地7 点过少少黎到，好快就坐满食客。餐厅好阔络，非常开扬，亦都好通风～ 唔洗惊焗住一身火锅味，睇落可以容纳好多食客，而且餐厅内既软座椅几舒服，大家可以慢慢享用放题晚餐 😍开始起筷前，我地要自己调味先。佢地既调味料款式好多，全部都系自家制，有品质保证。我个人比较中意蒜蓉、辣椒同埋葱，加埋酱油之后，就闻到阵阵幽香 😙不久，店员就端上一个铁锅，里面放满秘制麻辣鸡块、洋葱、芫荽同辣椒🌶️。虽然麻辣鸡煲兴起多时，但今次系我第一次食鸡煲。原来食完鸡煲之后，会直接用同一个锅打边炉！因为我地都唔系太食得辣，所以点左BB 辣，希望可以浅尝辣鸡煲既滋味。「滚喜」既鸡块十分足料，食极都食唔完。鸡块既味道香辣惹味，辣得好过瘾，而且鸡肉肉质鲜嫩，加上香口既紫洋葱调味，真系好唔错～食完鸡煲之后，就开始火锅放题，不过其实当时已经有五成饱 😂
我地去到油麻地地铁站附近既「滚喜」，佢地既店铺好大间，包保多多人都坐得落，仲好宽敞舒适添～
我地7 点过少少黎到，好快就坐满食客。餐厅好阔络，非常开扬，亦都好通风～ 唔洗惊焗住一身火锅味，睇落可以容纳好多食客，而且餐厅内既软座椅几舒服，大家可以慢慢享用放题晚餐 😍
开始起筷前，我地要自己调味先。佢地既调味料款式好多，全部都系自家制，有品质保证。我个人比较中意蒜蓉、辣椒同埋葱，加埋酱油之后，就闻到阵阵幽香 😙
不久，店员就端上一个铁锅，里面放满秘制麻辣鸡块、洋葱、芫荽同辣椒🌶️。虽然麻辣鸡煲兴起多时，但今次系我第一次食鸡煲。原来食完鸡煲之后，会直接用同一个锅打边炉！
因为我地都唔系太食得辣，所以点左BB 辣，希望可以浅尝辣鸡煲既滋味。「滚喜」既鸡块十分足料，食极都食唔完。鸡块既味道香辣惹味，辣得好过瘾，而且鸡肉肉质鲜嫩，加上香口既紫洋葱调味，真系好唔错～
食完鸡煲之后，就开始火锅放题，不过其实当时已经有五成饱 😂 店员帮我地加入火锅汤底，然后盖上盖等佢滚起～
「滚喜」食物种类多不胜数，净系呢啲点餐纸，都已经有7、8 张，仲未计出面既饮品bar。我地分头行事，有啲人负责睇呢啲餐纸，有人出去拎野饮 😎
美国安格斯牛 🐮🥓
重头戏安格斯肥牛出现喇，呢碟肥牛切得好薄，所以非常易熟。我地放左佢落锅半分钟 就已经食得 😋 牛肉既味道好鲜美 食到我地lam lam 脷～
再黎一碟精选豚肉 同样好薄身 睇落几新鲜 质素好唔错～😍 豚肉冇肥牛咁重油香味 反而食落比较清新 怕肥腻既人 豚肉系一个唔错既选择 🐖
第一波我地点左大量肉类，有美国肥牛、西班牙黑毛猪肉片、羊肉片等等，质素真系好好，冇雪藏既异味。
「滚喜」既海鲜同鱼片都有好多种类，我地每样都点左少少试下。图中既鱼片虽然有少量细骨，但好爽口弹牙，鲜味十足～🐟
蜂巢豆腐
软豆腐、硬豆腐食得多，蜂巢豆腐系第一次试。原来蜂巢豆腐多数用硬豆腐制成，豆腐内部呈蜂巢状，佢会吸收大量汤汁。我地放入火锅几分钟后捞起，佢变得好重😂 一咬开就流出火锅汤汁，食落口感非常丰富，好似千层糕咁，可以见到内部既蜂巢网状 🤪
饮品方面，真系可以话系包罗万有! 上面呢张图既雪柜有十款以上既饮料，全部野饮都冇重覆。食完鸡煲要下一下火，所以我同朋友都决定拣啲健康饮品。
我地第一轮选择左仙水果冻饮料同埋乌龙茶，希望可以降一降火，清凉解毒。
后来我地发现原来有餐厅自家制既茅根竹蔗汁，更加天然健康，饮落清甜解渴🎍👍🏻我同朋友都觉得今餐好满足 岩晒大食既我地😜 服务员好热心 又会加汤同埋帮我地清理碗碟 好贴心～ 下次有机会再带朋友去食过 ☺️
张贴
