蘇亞印度餐廳

营业中

休息中

我细细个就嚟呢间餐厅食，每次跟屋企人都系嗌二人餐或者四人餐，都好食嘅，不过选择少有啲闷。呢间餐厅真系非常家庭式经营，灯光有啲暗，装修同埋服务梗系唔似高级餐厅咁样啦。啲屋企人冇嘢做会坐喺度睇电视，仲有时有讲有笑，所以好有街坊餐厅感觉。味道都几正宗，唯一唔正宗嘅就系个辣度可以畀你拣，拣唔辣都得 🤣。平时我都好钟意食印度菜，呢间餐厅嘅餐牌都有好多出面印度餐厅有嘅菜式。今日同男朋友去，终于可以试散叫。叫咗Chicken Tikka Masala, Lamb Korma, Naan, Rotti, Mango Lassi。最推介就系Chicken Tikka Masala，个鸡肉有炭香味，同个creamy嘅汁好夹。我才疏学浅唔识印度香料嘅名，唔识得详细啲形容。Lamb Korma个汁好味，可惜啲羊就细粒咗啲。不过印度菜最就要都系食个汁，冇所谓啦。个Naan同Rotti都系新鲜整，我钟意Naan多啲。埋单总共$199，我觉得平过出面嘅餐厅。