坤記腸粉

营业中

休息中

之前经过过好多次, 但平时都几多人, 头先等食晚饭前行过, 19:00左右, 见无咩人就去买咗$10/4粒墨鱼丸。阿姐问我要唔要秘酱, 我见佢讲到秘制酱汁咁坚, 梗系话要啦; 可以拣喺度食或拎走, 喺度食即系佢会用只碟, 上面铺张纸放肠粉咁, 你企喺铺头前食。老老实实, 平时返工出开铜锣湾湾仔, 有时经过尖沙咀呢类小食店都会买下鱼蛋烧卖, 但通常市区d小食店都唔系咁好味, 样样嘢都好似面粉搓出嚟, 得个样, 无乜味。呢档"坤记肠粉"串墨鱼丸, 由粒丸到个汁都好有味, 我觉得几有心。下次揾日唔系食饭前, 过嚟试下个肠粉先。