程班長台灣美食 (已結業)

因为曾经我喺铜锣湾食过程班长嘅牛肉面，我一直都好挂住𠮶个味道！食过好多间台湾牛肉面店都食唔到呢个味道！咁啱早几日听到我朋友话我知喺荔枝角开咗间「程班长台湾美食」，所以我们今日专程去试吓可唔可以揾返当日喺铜锣湾店嘅味道！我们叫咗程班长牛肉饭、单点牛筋、牛肉卷饼、虎咬猪「刈包」、红烧半筋半肉面、鸡排汤面「猪骨汤」「鲁蛋」、蚵仔煎、万峦猪脚冷盘「小」、红豆芋圆、黑糖芋圆、山粉圆同酸梅汁！红烧半筋半肉面嘅牛肉同牛筋炆得好腍好入味，汤底非常香浓，牛肉味十足，面质非常弹牙！鸡排汤面「猪骨汤」「鲁蛋」嘅汤底味道比较清，钟意食清淡啲朋友会觉得好好食，但钟意食浓味啲嘅我就比较钟意食牛肉面多啲！万峦猪脚冷盘「小」真系非常好食，猪皮非常爽口弹牙，口感十足，完全无油腻嘅感觉，同埋系冻食再配合埋个酸酸甜甜嘅酱汁，真系一流同绝配！系本人嘅必食推介！蚵仔煎真系好正宗台湾味道，番薯粉令到个蚵仔煎非常烟韧弹牙，好过其他店只系用蛋煎！牛肉卷饼嘅卷饼外皮好香脆，牛肉鲜嫩多汁，再夹埋青瓜嚟食，感觉非常清新！虎咬猪「刈包」嘅包非常软绵绵，中间夹住两件肥猪肉同少许梅菜，唔会觉得好肥腻，好似中式汉堡包咁！红豆芋圆同黑糖芋圆嘅味道唔