坐忘 (已搬遷) 新店位置

今日叫左好耐冇食嘅坐忘外賣，估唔到一打開都仲係熱辣辣，值得一讚。今次都係叫番我至愛嘅豬軟骨野菜咖喱烏冬，份量好足，有成隻切開嘅溏心蛋，同埋有8種蔬菜同2舊豬軟骨。豬軟骨炆到好稔，最鍾意係炆到變啫喱狀嘅軟骨，我試過一次過食晒所有豬軟骨，覺得好「漏」，一定要同人share 先得😂 咖喱汁唔係好辣，帶少少甜，但好香咖喱味，落去撈埋啲烏冬一齊食真係好正。蔬菜有翠肉瓜，茄子，蓮藕，甜椒，蘿蔔等等，應該全部都炸過，所以保留到好鮮艷嘅顏色同埋保持到口感，唔會過稔。