番茄18 (觀塘工業中心第四期)

营业中

休息中

之前係觀塘整完D野，search下附近有咩食、就去左附近工廈既【番茄18】食左個快lunch。餐廳除左招牌既番茄湯米綫，都有D好特別既湯飯同米綫。我就叫左花膠鷄肉米綫，另外炸鷄翼、西多士同華田脆脆。 花膠鷄肉米綫：鷄湯底非常清甜，鷄肉好多，花膠都算多，而且好軟霖。調味唔會太鹹，非常不錯。 炸鷄翼：生炸鷄翼，外皮非常香脆同肉非常juicy。不過調味有少少鹹。 西多士：可圈可點、非常經典既西多士。 華田脆脆：冲得都幾濃既阿華田，上面D脆脆都好好食。