麵屋豚豚拍子 x 辛味屋 (已結業)

豚豚拍子 x 辛味屋首先，点解系「乘」呢？其实即系同一间舖可以叫到两间舖既食物，豚豚拍子主要系食拉面既，而辛味屋就系定食类为主，适合想食唔同日式食物既食客。平时去食拉面既食店，真系除左拉面冇其他野可以点，今日难得有两类日式食物可以点，就每边都点Ｄ黎试下。分别点左亲子盖饭、招牌牛油拉面、饺子同埋豚肉寿喜烧锅定食。好快上齐餐，全部都热辣辣，亲子盖饭都系定食黎，有埋小食（粟米）同埋面豉汤跟埋，个面豉汤份量都几多，亲子盖饭即系滑蛋鸡肉盖饭，Ｄ滑蛋比一般食既亲子盖饭混得比较入Ｄ鸡肉度，令鸡肉个口感都唔同左。牛油拉面个汤底本身都好好味，等旧牛油溶左之后多左阵牛油香就更好味，碗面既份量比我想象中多，差Ｄ食唔哂。寿喜烧锅个汤汁好浓味，正！豚肉质素都唔错，乌冬更加系靓乌冬，食完Ｄ料落乌冬，Ｄ汤岩岩好煮完仲有得饮。个饺子应该系我食过最丰富既饺子，咬落去好足料，涨卜卜咁。总结各样食物都唔错，价钱中等，地点就脚，可以多食！