鴻圖樓茶餐廳

营业中

休息中

今日同个同事喺公司加班，走得𠮶阵已经非常肚饿所以就喺公司附近揾间餐厅食个快晚饭。之前午餐都有嚟食过点心，佢嘅装修茶餐厅嘅嚟讲都算几文青风，有啲绿色布置，不过今晚主要就因为近公司同埋餐厅够阔落，收工咁攰想坐得舒服啲。我地嚟到都唔早，仲有好多人等紧买烧味饭，我就叫咗个干炒牛河嚟减减压，同事就要咗个鸡扒葱油捞丁。跟餐配左两杯冻柠茶好快送上，辛苦一轮饮杯柠檬茶醒下神。 转头食物就热辣辣准备好，份量都好大份，我个干炒牛河唔会太油，河粉炒得岩岩好又好味，牛肉片都好多，配埋最夹嘅辣椒酱，一流！同事个鸡扒葱油捞丁都非常吸引，捞丁充满油光，亦啖啖葱香，加埋煎到香脆十足嘅鸡扒，真系好满足！见到佢嘅下午茶都好抵食，揾日都要过嚟帮衬透透气。