韓牛韓式燒烤 (已結業)

今日去到创兴广场一楼嘅韩牛食韩烧，地点好就脚，唔洗等䢂直接电梯上就到。一入到去地方好阔落，唔使点等职员就即刻帮你开炉，而且嘢饮种类好多，有几款茶同汽水，最紧要嘅系呢度嘅啤酒系唔使加钱任饮嘅！嘢食方面呢度嘅种类无论熟食定系寿司都补充得好快，除咗一啲刺身之外，都有手卷同埋军舰卷。炸物嘅种类都好多，食左海鲜、鸡同埋春卷，温度都系热嘅，唔会摊到冻晒！凉拌配菜有10几款 。热食嘅话就有猪脚姜、韩式粉丝、萝卜牛腩等等。肉类方面都有好多选择，款式呢度十分齐全，同埋肉类唔会太老，腌得又入味。甜品种类都几多，除咗有一杯杯嘅布甸、啫喱、桂花糕之外，比较特别系呢度有朱古力喷泉，配料除咗水果之外亦有唔同嘅棉花糖，同埋仲有部雪糕机。更惊喜嘅系呢度有维记新出嘅榴梿雪糕同埋姜味雪糕，呢两只味都够晒特别。呢度嘅雪糕唔会雪得太硬，拎出嚟放一阵已经食到，虽然系食90分钟但系店员都好好冇催我哋。