新桂香燒臘

营业中

休息中

睇完雪姨个叉烧大比拼video，上次食咗上环龙邦烧味，今次就现埸试埋呢间佢哋挑选出全港第一嘅叉烧。其实早系之前已经试过一次外卖，不过果次觉得唔太好食，因为叉烧都好干同好瘦，只有个汁甜甜地唔错。今次俾多次机会佢现场食，试试会唔会有唔同嘅效果！落单时记得一定要点半肥瘦叉烧。现场主要做外卖为主，只有两三张枱。呢度嘅叉烧每斤要$192，比起出面大概$100左右一斤，价钱系偏贵，因为系用新鲜猪肉而唔系冰鲜。半肥瘦叉烧油鸡饭$45原本谂住点肥叉，不过个姐姐问我食过未，未食过就唔建议肥叉，因为真系会好肥，所以就叫我地点半肥瘦。半肥瘦叉烧其实都略为肥，每块叉烧有一半系肥膏，一半系肉，肥膏虽然有少少多，不过食落够甘香，感觉唔会好肥腻。叉烧肉质够松化及嫩滑，近边嘅位置仲有啲㶶边位，够香又够脆，油鸡肉质亦够滑，就算鸡胸都唔会好鞋。乳猪半肥瘦叉烧饭$80 $80一碟烧味饭有少少贵，不过见到都几多人点乳猪，乳猪烧得都几好食，皮够薄同够脆，肥瘦适中，肉质亦好滑。