影片
更多
2012-11-04
2434 浏览
第一次黎港湾一号食饭, 最 impress 既地方, 除左食物质素之外, 仲要大赞佢地既服务, 由踏进餐厅的一刻开始, 每个员工都真系做到令你宾至如归既感觉. 好亲切又诚恳既笑容, 服务效率极高, 你唔洗出声, 只系郁一郁手指, 或者俾一个眼神, 佢地好似识读心术咁, 都未开口 request, 已经知道你想要咩, 厉害!讲返食物先, 呢晚公司请客食饭, 之前秘书小姐打去订台, 叫餐厅写定菜单, 一去到就有得食, 餐厅介绍话佢地咁啱有个客席厨师, 系杭州凯悦酒店黎左, 有D传统杭州菜色推介, 只系供应到十一月中, 我地就即管由厨师发板, 帮我地准备一个杭州晚宴. 1. 杭州特色拼盘 (蓝莓山药, 糖醋小排, 酱香一口脆, 丁香熏鱼柳)- 个蓝莓山药应该唔系传统杭州菜, 但呢味菜色创新得黎又几特别, 切成一粒粒的山药, 味道清淡软腍, 加上酸酸甜甜的蓝莓酱, 十分匹配, 是一个很开胃的前菜- 酱香一口脆其实系经醋和麻油腌制的萝卜, 切成一片片, 好脆口, 食到唔定得口- 个熏鱼系我最钟意既前菜, 好入味, 火候控制得宜, 唔会大硬2. 宋嫂烩鱼羹3. 蜜汁火方- 卖相精致, 用一个迷你蒸
讲返食物先, 呢晚公司请客食饭, 之前秘书小姐打去订台, 叫餐厅写定菜单, 一去到就有得食, 餐厅介绍话佢地咁啱有个客席厨师, 系杭州凯悦酒店黎左, 有D传统杭州菜色推介, 只系供应到十一月中, 我地就即管由厨师发板, 帮我地准备一个杭州晚宴.
1. 杭州特色拼盘 (蓝莓山药, 糖醋小排, 酱香一口脆, 丁香熏鱼柳)
- 个蓝莓山药应该唔系传统杭州菜, 但呢味菜色创新得黎又几特别, 切成一粒粒的山药, 味道清淡软腍, 加上酸酸甜甜的蓝莓酱, 十分匹配, 是一个很开胃的前菜
- 酱香一口脆其实系经醋和麻油腌制的萝卜, 切成一片片, 好脆口, 食到唔定得口
- 个熏鱼系我最钟意既前菜, 好入味, 火候控制得宜, 唔会大硬
2. 宋嫂烩鱼羹
3. 蜜汁火方
- 卖相精致, 用一个迷你蒸笼上菜, 夹火腿的薄饼又香又软, 将蜜汁火腿同炸脆的腐皮夹在中间, 细细件一啖咬落去, 一次过有三种不同的口感, 层次感十分丰富
4. 油爆虾
- 好香酱油味, 连壳都食埋
5. 金牌扣肉
- 刀工好犀利, 成座金字塔咁, 部长仲好细心帮我地轻轻切开, 方便客人用薄饼夹住一齐食
6. 江南富贵鸡
- 好传统既杭州菜, 用荷叶包住只鸡, 再用泥包住黎焗, 会邀请客人操刀, 用个槌仔扑开黎食既乞儿鸡, 几有趣既食法
7. 蒜香烤肉油菜芯
8. 杭州片儿川
9. 西子雪媚娘
- 令我印象深刻的甜品, 类似芒果糯米糍, 薄薄的糯米皮包住又香又滑既芒果忌廉, 好似食紧可以拎上手既芒果布甸, 虽然好饱, 都可以食清光
称心满意的一顿晚餐!
张贴
