稻八日式火鍋炸物放題 (已結業)

我最喜欢就系食任食放题～可以食唔同款食物之余仲有鱼生刺身任食🤣不过依家有好多边炉都可以任食刺身因为有朋友住系附近 所以今日就去大埔的稻八打边炉稻八的装修走和风估唔到平日嚟都咁多人证明无拣错餐厅👍🏻澳洲M9和牛套餐有特选M9澳洲和牛牛小排，M6和牛盛合，鸡片、羊肉、海鲜盛合、鱼生刺身、炸物M9澳洲和牛牛小排呢款和牛系亮点！牛肉有雪花纹，唔需要碌太耐，见熟咗就可以点少少酱汁食。一入口即融，太好味。鱼生刺身有三文鱼、大虾、带子、希灵鱼、北寄贝、荣螺等。其中我最喜欢就系带子，香甜有咬口。炸物自己动手来炸～！！炸物可以选择的款式有午餐肉、烧卖、秋葵、鸡髀菇等。首先上一层炸浆，再沾满面包糠，放入滚油，炸到黄金色。记得带小朋友嘅就要小心啦。加埋调味粉就大功告成！炸到外面香脆入面弹牙。好正！