鹿鳴居 (已結業)

朋友聚旧，是但揾间食店啦。上次系度食小菜吓餐死，打边炉最穏阵。枝竹羊腩煲，有冬菇、枝竹同马蒂，仲有十几件大大旧羊腩添。啖啖肉，唔会净系食骨。 汤底味道刚好，鲜甜又不会话太浓太咸，美味 ﹗羊腩炆得软腍，点埋腐乳同起，正呀 ﹗仲有大大碟生菜跟，新鲜爽甜，爽埋羊腩煲既精华，好食。但女友话太膻唔太食到㖞，我就觉只系微膻啰。尊登叫碟白萝卜黎烚，吸收晒啲羊腩汤，烚都软棉多汁，密密食。本地肥牛，都几强差人意，味道都算甜，但口感同卖相就比较吓人，不试也罢。四宝丸，外购无意见，唔难食啰。牛丸同猪肉丸最好味，有赵口又唔粉。墨鱼丸、章鱼丸就食到成口粉，味道又假到死。