Accro Coffee (已搬遷) 新店位置

估唔到元朗有间咁特别嘅咖啡店。仲要系街市后面,车房中间，真系好唔起眼。我哋喺大街几经辛苦，行咗半个钟先揾到。本来都有兴趣试吓佢杯世界第一得奖咖啡，但因为行到又热又攰，已经冇呢个心情... 唯有等下一次啦！ 但系其实喺西铁站行过去唔使10分钟路。下次我识㗎喇..... 拣咗一杯摇冰咖啡 Shakerato , 行到又热又攰，饮呢杯正好。咖啡冰冰凉凉，配上微酸嘅味道，带点清新果香。$37真系抵饮！ 朋友叫左呢杯 Affogato , 浓缩咖啡加雪糕， 雪糕好香浓。不过我唔钟意饮甜嘅咖啡，个人觉得过甜。芝士蛋糕都好浓滑。