一碗小麵

营业中

休息中

呢间位于西营盘既小店，沿着地铁站行过嚟只需要5分钟左右，其实都算方便，但位置唔起眼，冇谂过会咁多人等位！等位嘅时候，发现店内装修都好有心思，而且墙上面既画都好用心思，大部分都系用粉笔画既！佢杯茶好香浓既麦味，好解渴，连饮品都唔洗特别叫！头盘试咗佢个凉菜拼盘，价钱真系好平，＄70左右就已经有四款小食，而且份量都唔细。味道方面，其中两款都系辣辣地，比较开胃！不过个人最钟意就系青瓜同埋黑醋云耳，两个嘅感觉都好清新，唔错！主食叫咗个酸辣鸡肉米线，汤底好香，味道唔会太重，但每啖食落去都有酸辣味，不过今次叫咗BB辣，略嫌唔够辣，下次会想试吓辣少少！另外就食咗一碗牛腩面，佢个汤底用咗麻辣汤，同牛肉既味道非常夹！而且佢用既面系类四川面线，同个汤底配搭得好好。