枝記麵家

营业中

休息中

其实我就系住喺巴丙顿道附近。每次经过都好想食。但系一至五都要返工，平日真系食唔到。重点系虽然系街铺，星期日系唔开架。今日咁岩星期六经过呢，就去试一试啦。人就梗系贪心架啦。咁难得就到时间食，就要个双拼。系就系贵咗啲。但系好好味㖞。佢个云吞几大只，而且云吞里面只虾系好弹牙。牛腩亦都系唔系好肥腻，而且腌腌够入味。个汤加埋咗啲腩汁呢，咸得来系非常之有肉味，几老火。鸭旦面呢，都非常之弹牙，口感十足。唔知会唔会都系人手做果种竹升面呢？再嚟一个腩汁菜心。非常之大碟下。菜好新鲜，冇得弹。再加埋杯冻柠茶真系very good。买单好似都要＄7-80。不过高质素当然都愿意比多啲钱嘅。呢种怀旧昔日香港粥面店做嘅系高质素嘅食品。座位系少，铺位系细。食嘅系用心嘅味道。