大喜屋 (已結業)

上次食呢间大喜屋系对上一个月都未有既时间，有班朋友又约食放题，如果有睇我上次食评都知我进行紧疯狂瘦身计划，我就提议咁不如食呢间喇，虽然我无几耐之前先食过，但系真系比出面个啲黎得少油，班朋友有好几个都有keep紧fit，所以好快就决定左。当日等位唔洗好耐，同埋叫返上次我觉得清新之选既食物，柚子沙律啊、皮蛋啊、烧菠萝啊、杂菇窝啊⋯⋯表现仍然好似我预期一样，可以话系保持到水准。原本带朋友去之前我话真系唔油腻，即使系鸡翼或者鸡软骨呢啲都无话会好油，配埋的柠檬汁效果就更好添喇～原本都少少担心带到朋友黎大喜屋个水准会无上次咁高，结果都唔会，水准保持到令我对佢大大加分啊。最后成班话要减肥既人，见到佢啲雪糕口味真系太太太吸引喇，全部口味都好特别，唔系出面求其都买到的，搞到最后个个都破晒戒，哈哈