渝味曉宇重慶老火鍋 (聚賢逸居) (已結業)

今日去完数码港见客，经过坚尼地城食埋野返屋企，原来呢度都有渝味晓宇嘅分店，横掂好耐都冇食麻辣火锅，就喺度食。原来佢哋转用咗QR code点单，真系比以前方便好多，基本上食材同埋汤底都冇乜大嘅变动，今次点左麻辣鸳鸯锅。亦都因为冇咗点菜纸，唔系每种食材都有标示煮嘅时间，只有几种菜式还有煮熟时间，起初都担心有时会煮得太熟，但发现大部分煮来啲质素都保持到。四宝丸水准高，结实又弹牙。重庆耗鱼儿系必点菜之一，煮15分钟左右，鱼肉嫩滑鲜甜，又冇乜骨。功夫莴笋片亦系我最钟意嘅蔬菜之一，刀工切得薄，令到菜变得爽甜。嫩牛肉梗系要点嚟食，煮得耐仍然都好滑，牛肉味浓厚。