影片
更多
2011-02-26
60 浏览
接近中午一时，往上环探友人，友人声称带我找好野食。尾随友人左穿右插，于人山人海之中行经不少装潢富时代感，门口排满放lunch既上班一族既餐厅。行过一间又一间，但都唔似友人既目标；最后，于马路旁，装潢不怎么样，但一样门口排满放lunch既上班一族，店内亦座无虚席既烧味店停下！ 起初心内充满疑惑，但及后一看，见到一个圆型，红卜卜既米芝连推介贴纸，贴在门口不怎样起眼既角落，便明白友人既 "苦心" 见店内坐满食客，餐厅又近友人家，一于由友人发板，外卖回友人家慢慢品尝！ 最后友人点了：红肠、烧腩、乳猪、半肥瘦叉烧 烧腩、乳猪：友人话烧腩及乳猪乃餐厅既 "镇店之宝"！果真，话晒外卖回家，行几分钟既路，到家一食，烧腩及乳猪既皮仍然香脆！ 当中烧腩乃肥瘦肉相间既五花腩烧制，猪油香令人忍唔住一口咬下，肥就肥啦！ 意外地，烧腩无令人有好肥腻，好溜既感觉！ 乳猪更令惊喜延续！ 我一向食烧味饭，大多点叉烧并油鸡或烧鹅，乳猪、烧腩大多系去饮时先食既。一向我对乳猪既感觉系 --- 无啖好食！ 因为酒席既乳猪大多有一层好厚既肥肉，再加超薄既乳猪肉，而表皮脆唔脆…就睇你运数喇！ 所以，食烧味饭，我真系好少会拣乳猪。但
见店内坐满食客，餐厅又近友人家，一于由友人发板，外卖回友人家慢慢品尝！ 最后友人点了：红肠、烧腩、乳猪、半肥瘦叉烧
烧腩、乳猪：友人话烧腩及乳猪乃餐厅既 "镇店之宝"！果真，话晒外卖回家，行几分钟既路，到家一食，烧腩及乳猪既皮仍然香脆！ 当中烧腩乃肥瘦肉相间既五花腩烧制，猪油香令人忍唔住一口咬下，肥就肥啦！ 意外地，烧腩无令人有好肥腻，好溜既感觉！ 乳猪更令惊喜延续！ 我一向食烧味饭，大多点叉烧并油鸡或烧鹅，乳猪、烧腩大多系去饮时先食既。一向我对乳猪既感觉系 --- 无啖好食！ 因为酒席既乳猪大多有一层好厚既肥肉，再加超薄既乳猪肉，而表皮脆唔脆…就睇你运数喇！ 所以，食烧味饭，我真系好少会拣乳猪。但眼见呢度既乳猪，令我对乳猪有新既睇法！呢度既乳猪，皮脆不在话下，脂肪层好薄，但肉层好厚同肉爽！ 加少少甜甜既乳猪酱，一块接一块！ 正！半肥瘦叉烧：可能烧腩及乳猪乃餐厅既 "镇店之宝"，相比下叉烧真系略为逊色一点。但值得一赞系，几多间餐厅会系lunch time时，真系比到半肥瘦叉烧你？ 可能挂住试烧腩同乳猪，叉烧变得有点冻了，令味道再为逊色。 下次要系餐厅堂食多次半肥瘦叉烧，试真d再评论！
红肠：只系我既情意结，好钟意食红肠先点！可以不理！
后记：于等外卖期间，同友人闲谈关于餐厅既背境同最近被列入米芝连推介既威水史，发现餐厅由家族父传子，世世代代所经营，见店内年老既爸爸，年青既子女，一家人一起忙碌。到呢代，仲有米芝连推介既机会！顿时觉得呢个米芝连推介份外窝心！ 餐厅无美轮美奂既装潢，无名厨名咀既support，吸引既系果份稳打稳扎既味道同精神。呢个圆圆既米芝连推介贴纸，既回报了上一代既身酸血汗史，亦肯定了呢一代既努力积极保持既精神！ 加上，餐厅卖既系烧味，好地道既广东食品，份外多一种亲切之感。
总括而言：烧腩及乳猪果真餐厅既 "镇店之宝"！惟外卖回家食，略嫌饭同烧味唔够热，下次一定要系餐厅堂食，食清楚当中既各种"味道"！
张贴
