黃枝記 (已結業)

一个月总有几日会去黄枝记食午餐，人人都会叫捞面或者粥类多，而我呢就每次都几乎叫呢个「瑞士汁干炒牛河」，今日都一样照旧！未食过黄枝记，你喺门口睇餐牌，或者会觉得几贵。但其实入去试下，我又觉得份量都几多，中环区中式食肆，感觉价钱都尚算合理。干炒牛河正常一向用嘅系比较粗身河，但黄枝记嘅河粉系比较幼身嘅；河粉嘅份量多到可以分配三碗左右，两人分享都几够食；我食过大概五次左右，味道稳定，好少会出现突然间淡左或者太咸；肉一般都系正常份量；综合以上，量多同味道稳定，其实冇乜大问题通常都会继续柯打干炒牛河。七十几蚊当然唔止一碟炒牛河，另外会送多碟自选菜，唔会咁漏，又健康啲；虽然就无送饮品，但侍应都几勤劳地帮你加茶水，所以整体OK!