Zakka (已結業)

好耐冇同好友一起食个饭啦，今天终于约到一齐食下午餐，拣左呢间试试，要自己出去落单，我叫左个日式咖哩饭，有只太阳蛋，够晒稳阵，冇几耐个机就会震动，表示准备好上台，有人会送上，鸡胸大大旧，肉厚架，皮煎得金黄，肉质鲜美，冇乜雪味，啖啖肉，咖哩香味和味道调较得唔错，辣味不是太重，送饭一流而且只太阳蛋煎得唔会太油淋淋，蛋黄颜色色泽不错，好新鲜又大只，蛋味十足，D饭粒好分明而且食落仲好烟靭，饭既水份好够，不会干争争另外我仲叫左杯热既抹茶latte, 抹茶味道浓郁芳香，甘涩味尚可接受，至于奶泡打得绵滑，甜度刚刚好，奶味亦香浓环境方面都唔错，不太嘈，我地倾左好多野呀，好开心的星期天