火箭餐廳

营业中

休息中

明日世界嘅火箭餐厅相对几就脚，主要系食快餐，外面连锁店未卖炸鸡个阵，好难揾到好味嘅炸鸡，所以第一次系呢度食到皮脆肉嫩嘅炸鸡个阵觉得好惊艳，几乎变咗我必食嘅迪士尼食堂。夜晚想食少少野，心挂挂食返炸鸡篮套餐，两件鸡都keep到一如既往嘅皮脆肉嫩，做得比外面嘅炸鸡有过之而无不及。可惜唔知系咪就闩门又冇咩人，薯条同鸡都好似放咗阵咁，冇咁热辣辣嘅感觉，少少退步了。另外叫咗炸芝士条，都似乎放冻咗，本身谂住就算冇拉丝，起码都有少少流心，不过期望越大失望越大。如果价钱唔贵都仲可以当小食，可惜都唔平。加钱转咗柚子梳打，非常普通嘅柚子蜜加梳打嘅味道，唔值得特登加廿蚊转，饮返跟餐嘅汽水会开心啲。不过整体而言炸鸡篮套餐都几好食，稳打稳阵咁。