富華冰室 (港晶中心)

营业中

休息中

都系响尖东附近悭返啲时间，所以都系几个人都买外卖上去食，红磡站行人天桥行落嚟两步路就见到，又行过见到比较企理人又唔多，所以就响度买。分别叫咗干炒黑椒牛肉意粉，我份量都几足够，牛肉都唔少同埋都几容易食到，黑椒味都有，牛肉就有少少咸，话晒都真系啱啱炒出嚟，总括嚟讲食落去都不过不失嘅。另外一个系茄蛋牛肉饭，份量亦都算系足够，蕃茄蛋都算有啲酸甜味，所以就唔觉得牛肉太咸，不过朋友本身想食得再酸少少，所以喺佢角度来讲就唔够浓味，同埋唔够酸，呢个当然系个人口味因人而异。我就叫咗个豉椒牛肉炒河，份量亦都算系足够嘅，牛肉方面都系同一个问题有啲偏咸，个汁都算足够，可能真系因为牛肉偏咸嘅关系，食完系有啲比较口渴嘅感觉。