金記冰室 (新都城中心二期) (已結業)

今日放咗工同朋友去咗将军澳新都城行街影相，个商场好多嘢食，花多眼乱，唔知食乜好，稳阵啲都系食返，我去开的金记。呢间金记都几大，好宽敞，多卡位，坐得舒服。铁板美式什扒餐我好耐冇食过了，今日好肚饿所以嗌咗， 有齐晒牛、猪、鸡扒、肠仔和烟肉跟 薯菜，系一大堆新鲜热辣的薯条配粟米，好好味。回想起都觉得十分满足， 未食先兴奋，我拣咗烧汁，当酱汁铺在铁板上面时沙沙声，证明铁板好够热，声音好疗愈。 整体上都好满意， 只系鸡扒味道略嫌咸了一点点。杏仁茶跟餐加十蚊，呢间分店能保持一贯水准，热辣辣，甜度适中，重杏仁味，值得encall。公司三文治同朋友分享， 一人两件啱啱好。好足料。卖相好靓 再加埋拱底，值得推介。