蘇杭冰室

营业中

休息中

平安夜亲大家有时间放假之前出嚟倾埋啲嘢佢，所以快快脆脆约咗个朋友平安夜下午茶向旺角揾间餐厅就算，行过见到呢间苏杭冰室二话不说就入咗去嘞，因为系平安夜嘅关系，所以除咗下午茶之外基本上都冇乜嘢可以选择，跟住已经系圣诞大餐，不过基本下午茶已经足够。两个都系嗌咗炸鸡髀配薯条，同埋红豆冰。薯条方面本身已经有啲味响度，所以唔使落茄汁都可以，落埋茄汁会再香啲。 炸鸡髀都炸得几好，唯独是只鸡髀冇咗个柄，所以要用刀叉嚟享受，唔可以好似平时咁攞啲纸巾包住条骨用手嚟食，不过味道方面系几好嘅。红豆冰都有传统嘅味道，个人觉得呢个甜度啱啱好，因为自己本身唔系饮得好甜，奶味亦都几足够。