金功夫點心小廚

营业中

休息中

来到屯门黄金海岸，如果想食中菜，除左黄金海岸酒店，实在没太多选择。今日来到功夫点心火㶽店，试下食佢哋既中式小菜。竹笙罗汉上素 ($78): 配料尚算丰富，云耳，竹笙，冬菇，红萝卜，粟米仔，枝竹，白菜仔样样都有，味道同份量都不错，衹系茨汁略为多左少少。柱侯萝卜牛腩煲 ($98)萝卜同牛腩既味道都煮得好浓，而且牛腩好淋，容易入口，份量够大，好味之选!菜甫肉碎煎蛋角 ($78)蛋角煎得香口惹味，不过里面既肉碎馅料略为少左d，如果馅料多d会更好食。清蒸沙巴龙趸一条 ($168)原条沙巴龙不算大条，但肉质非常新鲜，而且蒸得嫰滑。千岛明虾球 ($68)虾球大约有8只，每只都大大只，炸得香脆可口，配埋千岛酱，实在酸甜惹味同非常开胃，呢个价钱来讲非常抵食。秘制卤水鸭半只 ($78)卤水鸭份量大大碟，鸭肉算多，卤水味亦好够。翠棠豆腐 份量好大碟，豆腐同蛋蒸得好滑好嫰，𩠌饭一流。福建炒饭配料好多，有细细只虾，茨汁调教得恰当，不会太多，份量刚刚好，味道好味以平民小饭店来讲，食物既卖相，质素同份量整体都非常不错，下次再来黄金海岸，都系一个好既选择。