壽司派 (已結業)

早几日去左食午餐，当时一点左右，不过未有人等位。我一个人，唔驶等就有位。见到有十几款便当，由五十几到一百零几，沙田商场食肆来讲，算系丰俭由人，而选择都多而且唔同，例如有几款杂锦寿司便当、有泡菜鸡柳便当、二色三文鱼 (熟和生)饭便当、吞拿鱼便当等。我点左穴子寿司杂锦便当 ($88)，除左大大件穴子寿司，寿司仲有两件带子卷、酱油三文鱼、海螺、剑鱼、蟹棒；前菜有沙律、萝卜木耳酱油渍、煎玉子豆腐；仲有面豉汤。沙律：十分新鲜既生菜，好鲜甜，粟米同蕃茄都好甜，十分醒胃。萝卜木耳酱油渍：好入味既酱油渍，萝卜有三大件，木耳又够爽，不错。煎玉子豆腐：系冷盘，不过外层系煎过，好香。寿司：穴子寿司不得了！有入口即溶既感觉，轻轻烧过下又好香口，食到停唔到口！其他寿司水准都好高，好足料，摆放亦好整齐，真系睇得又食得，好正呀！其实食物方面系无从挑剔，惟独服务有待改善。餐厅职员唔系无礼貌扮见你唔到，而系人手实在唔够，带位的同事要睇门口、又要执台、又要铺台斟茶、仲要落埋单同负责埋单！(真系登佢辛苦) 当时都未坐满人，但成日都见到有人叫天不应叫地不闻，要正视下问题啦。