影片
更多
2022-07-20
93 浏览
上两次分别试咗猪颈肉及泰式猪手，今次终于试埋个鸡啦！我今次拣咗少人叫嘅口水鸡饭，而唔系好多人叫嘅招牌海南鸡饭，原因系泰式酱之前试过，想试埋佢嘅口水鸡汁究竟系咩一回事，我亦相信店家唔会另外再独立烹调一个口水鸡，而只会用现成海南鸡做口水鸡，结果我嘅推论系正确嘅。谜底终于揭盅啦！原来呢个汁同麻辣猪手饭个汁一模一样，即系话佢哋主打食材有三款：去骨滑鸡、猪颈肉及泰式猪手，而酱汁有两款：泰式酸辣汁及麻辣汁。咁究竟个口水鸡饭系唔系可以叫麻烦鸡饭，而麻辣猪手饭又系唔系可以叫口水猪手饭呢？既然系咁，点解店家唔提供多一个选择：麻辣猪颈肉饭？又或者简单啲，主打食材，三拣一；酱汁二拣一，合共6个不同组合，咁系咪好啲呢？先讲个汤，上次剩系见到有椰子，今次有埋粟米同甘笋，而且今次我买完之后，因为某啲原因，延迟几个钟之后先至食，通常咁嘅情况下，鸡汤嘅话一定有一层凝固咗嘅黄油浮面，但佢无，虽然冻咗，依然好清甜，唔油，好好饮。加$2便可以纸包饮品同例汤二选一，咁梗系要例汤啦！分分钟好饮过，又有益过阿妈嘅老火汤，绝对无呃你。至于个饭味道又点？好多人都话个饭系鸡油饭，我就坚持话系黄姜饭，原因系如果系鸡油饭嘅话，啲饭无理由食
我今次拣咗少人叫嘅口水鸡饭，而唔系好多人叫嘅招牌海南鸡饭，原因系泰式酱之前试过，想试埋佢嘅口水鸡汁究竟系咩一回事，我亦相信店家唔会另外再独立烹调一个口水鸡，而只会用现成海南鸡做口水鸡，结果我嘅推论系正确嘅。
谜底终于揭盅啦！原来呢个汁同麻辣猪手饭个汁一模一样，即系话佢哋主打食材有三款：去骨滑鸡、猪颈肉及泰式猪手，而酱汁有两款：泰式酸辣汁及麻辣汁。咁究竟个口水鸡饭系唔系可以叫麻烦鸡饭，而麻辣猪手饭又系唔系可以叫口水猪手饭呢？
既然系咁，点解店家唔提供多一个选择：麻辣猪颈肉饭？又或者简单啲，主打食材，三拣一；酱汁二拣一，合共6个不同组合，咁系咪好啲呢？
先讲个汤，上次剩系见到有椰子，今次有埋粟米同甘笋，而且今次我买完之后，因为某啲原因，延迟几个钟之后先至食，通常咁嘅情况下，鸡汤嘅话一定有一层凝固咗嘅黄油浮面，但佢无，虽然冻咗，依然好清甜，唔油，好好饮。
加$2便可以纸包饮品同例汤二选一，咁梗系要例汤啦！分分钟好饮过，又有益过阿妈嘅老火汤，绝对无呃你。
至于个饭味道又点？好多人都话个饭系鸡油饭，我就坚持话系黄姜饭，原因系如果系鸡油饭嘅话，啲饭无理由食唔到有油，尤其是啲饭咁黄，要用几多鸡油至有咁嘅效果？而且我系摊咗几个钟之后先至食，系鸡油饭嘅话，点可能食唔到有凝固咗嘅油？
至于啲鸡肉呢，完全系喜出望外，即使系鸡胸，都可以做到好嫩滑，完全唔嚡，更大惊喜系一排鸡胸肉下面有一只鸡中翼，当然只鸡翼系有骨啦，但我钟意。莫讲话$32咁平，即使双倍价钱都未必食得到咁嘅质素。
要挑剔嘅话，我觉得个汁份量太少，而且无红辣椒粒，影响外观。口水鸡畀人嘅印象系好多酱汁，而且蒜粒同红辣椒粒，铺满啲鸡嘅上面，但佢完全无，只系薄薄一层汁起个底度，对于喜欢食辣嘅人嚟讲，绝对系到喉唔到肺，对于追求卖相嘅人嚟讲，亦唔吸引；当然，对于唔食得辣又喜欢食麻辣香味嘅人嚟讲你系可以接受嘅。当然，以我口味嚟计，酱汁多少少会更好，用嚟捞饭，成口都系麻辣香味，再饮一啖例汤，更加美味可口。
猪手同鸡都做得咁出色，外卖加𩠌又多两个选择了，唔知散叫嘅话，啲麻辣汁可唔可以分开上？一于揾日试吓先。
口水鸡饭
$32
4 浏览
0 赞好
0 留言
椰子鸡汤
$2
1 浏览
0 赞好
0 留言
张贴
