一木小料理 (已結業)

下午2点先lunch，但惊见隔离一虎都仲要排队，然后附近又有间门面几日系嘅餐厅，未望Open Rice，就入左去，跟住见到好多负评，我就知道无期望就无失望。唔紧要，都有正评嘅，比个机会佢，以观望嘅态度。日式三𩠌饭，店舖装修以简洁为主，座位唔算好多，但因为已经过咗繁忙时间，所以都尚算舒服。点完餐，店员好快就端上一杯跟餐嘅热八宝茶。八宝茶我问店员八宝茶即系咩野，佢答我有龙眼、杞子etc，不过店员送嚟嘅时候已隔渣，我已经分唔到有边八宝了…跟住都好快，正餐就嚟了。不过一大一小嘅匙羹，究竟点解有2只，店员冇讲就行开咗了。根据我食嘅次序做食评：首先系微尘南瓜冻汤。真心，应该唔会个个钟意，我都系贪得意加$12试下。系酸忌廉+南瓜浓汤雪冻咗咁。然后我去试最初吸引我入餐厅嘅马铃薯炖牛肉。虽然薯仔好入味，但牛肉似吉x家再鞋口少少啖味少少…嗱～唔系话佢唔好食呀，送饭都还可以，只系CP值低咗少少。跟住系核桃味噌煮大根。记得要先食核桃味噌，唔系大根会冇味。不过我欣赏大根够腍，而且冇渣。最后系南瓜薯饼。呢个真心欣赏，因为应该系手工制作。但喜欢浓味野嘅人就未必太啱，因为同出面买到嘅南瓜薯饼唔同，呢个味道好天然！