碧士文 (Sugar+) (已結業)

最近都多咗买外卖，今日经过铜锣湾，就去咗Pigsman买埋外卖返屋企。虽然店舖细细，但系食品款式都相当多，有饭、沙律、多士、burger，仲有一系列小食。第一次帮衬，都冇乜特别心水，就拣个排头位打咗粒星嘅「特务J」招牌威士忌BBQ猪扒饭，饭盒卖相精致，猪扒厚切得嚟又够腍，汁够惹味，捞饭一流，已经系Perfect 。另外拣咗个burger猪榴弹，个名够晒搞笑，其实系双层手打猪柳芝士汉堡。佢哋嘅手打猪柳汉堡扒真系好好食，打得够滑口，搓得又结实，仲带点弹牙嘅感觉，真系未食过呢种口感，值得一赞！另外都拣咗份碧士文沙律，沙律汁用咗柚子醋，酸酸甜甜几开胃，沙律菜够新鲜，仲配有少少果仁，健康得嚟又清新。另外加配咗啲小食，手打猪肉丸系佢哋自家制嘅菜式，中式嘅感觉，又带点西式食物嘅味道，绝对值得一试。薯条条条都炸得干身唔油腻，大大份好抵食。最近仲推出咗奶茶，同样都系自家制，佢嘅茶胆特别香，味道都唔错。