Chelsea Garden & Restaurant (裝修中)

一去到就俾呢个空中小花园吸引，有返咗英国嘅感觉。我哋坐窗边，窗边挂住嘅小盆栽都好靓，令整个田园气息中带点浪漫。虽然系西班牙菜 ，但加入了地中海及意大利原素，亦因应香港人口味而作岀调整，味道比传统嘅西班牙菜清淡啲，最欣赏系所有菜式都冇落味精，原汁原味。甜洋葱牛尾汤上枱时真系有啲surprise ，原来系清淡而牛味浓嘅清汤😍喜欢没有味精味嘅真实感。北海道带子薄片伴𩽾𩾌鱼肝卖相精致，有三文鱼子，鲜甜唔腥，洋葱碎粒爽脆令软软嘅带子片多了层次感同口感。西班牙龙虾海鲜饭海鲜有青口、蚬、鱿鱼、半只小龙虾，份量不算少，青口同蚬肉鲜甜juicy，铁板缘固，令部分饭粒有点硬，饭味道不错，但小龙虾没有调味，有点白灼的感觉。煎烤海鲈鱼伴海盐蒜泥蛋黄酱呢个真系要赞下Chef 嘅工夫，海鲈鱼有点厚度，inside 系刚熟，而表面冇烧焦，鱼亦冇散开。Seasoning 不够，但肉质鲜甜嫩滑，蒜泥蛋黄汁味道好夹。我更欣赏配菜，全部用烤嘅方式煮，有烧烤嘅香味但冇一点烧焦，小萝卜🥕色泽好靓，同薯仔一样咬落系淋架，系well done 而唔系overcook 嘅软淋淋。可见厨师功夫好而又一丝不苟👍🏻冇错！我系好著重细节嘅😆