Plato Cafe & Bistro (裕民坊YM²)

今日晚餐同朋友去左裕民坊嘅餐厅食饭。装修左之后，多左唔少餐厅有室外座，我地就去左3楼空中花园嘅其中一间Plato Cafe & Bistro, 餐厅装修简约，有窗边嘅高枱可以望到花园，都几写意。食物选择都唔少，我地叫左一人一个dinner set,加多个小食 炸蕃薯条。卡邦尼烟肉意大利粉。经典菜式，卖相唔错，卡邦尼汁浓稠度刚好，挂到意粉但唔会太挺身。味道香浓，配上烟肉嘅咸香好夹。配堆杂菌多左一重口感，味道唔错！另一个餐叫左 德国脆皮咸猪手配酸菜。上枱劲大份，而且已经切好左排得好整齐，食起上黎好方便。咸猪手调味闻落有咸香，食落刚好唔会过咸，而且猪皮真系好脆！！肉质有咬口但唔会干。配上芥末酱同酸菜去腻，食落更清新。随碟有沙律菜，食落新鲜。餐配是日餐汤，今日系甘荀汤，饮落有甘甜，口感顺滑，食到粒粒甘荀，整体清新。小食 炸蕃薯条份量适中，热辣辣，脆卜卜，带微甜味，好食！饮品一杯叫左冰果茶，味道清新开胃，啱哂呢d闷热天气。另一杯叫左热嘅焙茶鲜奶，淡淡嘅焙茶，饮落幼滑，味道舒服。食物质素唔错，环境安静，店员有礼。之后到凉凉地嘅天气可以考虑下坐室外座，感觉会更悠闲写意。