神戶食堂 空姐牛肉飯 (已結業)

一直听闻西九龙8楼food court系一个卧虎藏龙嘅地方，今日经过，一于上去朝圣一下。今次选择咗「神户食堂空姐牛肉饭」，一个细空姐牛肉饭($32)，再加5只寿喜烧鸡翼($20)。先讲牛肉饭，佢嘅牛肉肥瘦均匀，肉质嫩滑，唔会煮得过老而令到牛肉好鞋，饭吸收咗牛肉汁嘅味道，啖啖饭都有牛肉嘅香味，值得推介！佢嘅牛肉汁较为淡口及偏甜，唔会过咸。而且佢额外俾多一碟牛肉汁，适合重口味人士自行添加。而佢个寿喜烧鸡翼，鸡肉嫩滑Juice，带有点酒香，非常入味，好食！