The Frequency (已易手) 新餐厅

因为有饮食达人介绍， 加上肥妈推荐， 于是今天和友人们去一试， 可惜强差人意服务 - 前线员工们属主动型，有礼貌。环境 - 简约同干净。食物 - Below average. 不但冇惊喜, 收费与食物品质同味道不相符。洋葱汤 - 好稀, 感觉好似饮例水, 完全冇洋葱嘅香味。斑马火腿藜麦沙律 - 服务员攞住沙律，声称因为冇斑马火腿而改用烟三文鱼， 但问题系应该预先通知客人， 并唔系将制成品奉上才询问， 有被屈嘅感觉。朋友唔想浪费食物，于是接受。香蒜白酒蓝青口意粉 - 青口无味兼且有啲腥, 意粉略咸烤烟鸭胸蕃茄意粉 - 好平凡烟三文鱼鲜菌意式烩饭 - 三文鱼略带腥味, 朋友需要加黑胡椒才可以掩盖。原本大家想尝试咖啡，但见到食物水准这样， 已经冇兴趣再尝试。 希望尽快离开这地。今次到达时间约下午二时， 已经过咗繁忙时间，店舖内亦只有几枱客人， 点解出嚟效果会系咁？ 我都系一名喜欢烹饪嘅人， 亦深信如果厨师冇用心去烹调菜式， 食嘅人系会感受得到。