影片
更多
2015-03-16
3088 浏览
今日约左几位志同道合嘅朋友出黎影相食野倾吓偈, Espuma系尖沙咀开咗之后都未黎过, 都系𠮶句啦, 唔想排队, 跟住朋友讲先知道原来lunch都有得book枱, 哈哈, so good 柑桔柠檬沙冰$42友人点嘅, 试咗一啖, 酸甜醒胃, 同(day)道出嘅柑桔柠檬差唔多, 但友人就觉得甜得济! 怕甜嘅朋友可以嗌少甜黑白芝麻吞拿鱼卷$98 (4/5)吞拿鱼好厚身, 用黑白芝麻包住, 经低温慢煎, 令味道更出鱼肉更鲜, 简单咁食已经好香, 亦配有芥末酱Fish & chips $68 (3/5)炸物油溢味唔重, 粉浆加入啤酒, 多咗份甜味, 炸鱼大大旧都唔错, 但粉浆较厚, 食落唔多脆身, 之前食过呢到嘅炸薯条配黑松露酱, 味道独特令人再三回味, 如果炸鱼都有就更加好啦草莓蜜桃沙冰 $42 (4/5)我的巨型沙冰, 试过朋友嘅饮品之后我点咗少甜, 味道真系唔错, 平时饮品会走甜嘅我都接受到酥点拼盘 (4/5)有柠檬挞, 芒果拿破仑千层酥, 英式松饼, 无花果窝夫, 牛油果酱烟三文鱼, 西班牙黑毛猪火腿, 鲜杂莓, 有多款咸甜点, 睇到都丰富, 以下慢慢介绍!-西班牙黑毛猪火腿24个月
柑桔柠檬沙冰$42友人点嘅, 试咗一啖, 酸甜醒胃, 同(day)道出嘅柑桔柠檬差唔多, 但友人就觉得甜得济! 怕甜嘅朋友可以嗌少甜
黑白芝麻吞拿鱼卷$98 (4/5)吞拿鱼好厚身, 用黑白芝麻包住, 经低温慢煎, 令味道更出鱼肉更鲜, 简单咁食已经好香, 亦配有芥末酱
Fish & chips $68 (3/5)炸物油溢味唔重, 粉浆加入啤酒, 多咗份甜味, 炸鱼大大旧都唔错, 但粉浆较厚, 食落唔多脆身, 之前食过呢到嘅炸薯条配黑松露酱, 味道独特令人再三回味, 如果炸鱼都有就更加好啦
草莓蜜桃沙冰 $42 (4/5)我的巨型沙冰, 试过朋友嘅饮品之后我点咗少甜, 味道真系唔错, 平时饮品会走甜嘅我都接受到
酥点拼盘 (4/5)有柠檬挞, 芒果拿破仑千层酥, 英式松饼, 无花果窝夫, 牛油果酱烟三文鱼, 西班牙黑毛猪火腿, 鲜杂莓, 有多款咸甜点, 睇到都丰富, 以下慢慢介绍!
-西班牙黑毛猪火腿24个月的黑毛猪火腿卷著一束火箭菜, 用刀叉处理比较麻烦, 我不假思索, 好豪气咁攞起将佢一啖放入口, 几钟意黑毛猪的油脂香, 配合火箭菜少少苦涩, 味道得到平衡
-牛油果酱烟三文鱼将三文鱼卷成玫瑰花形, 卖相已经深得女士们嘅欢心, 三文鱼油脂分布平均, 淡淡嘅烟熏香, 好想用块面包夹住一齐食
-无花果窝夫狠心一刀切落去个心形窝夫, 惊喜嘅系好脆身, 新鲜无花果少少甜味, 唔会太漏
-柠檬挞柠檬挞酸咪咪, 永远系我首选, 挞皮仲好脆, 并无因为个馅而变得软身, 切开时候亦都唔会散晒咁, 唔错
鲜果班戟串烧, 包饮品$68 新奇嘅卖相几特别, 好似串烧咁将pancakes杂果串埋, 好吸引, 游说朋友点一份黎试吓, Pancakes煎成啡色, 蛋味好香, 中间平均搽咗吉士酱, 配合蓝莓, 奇异果及香蕉等生果, 单单咁食已经好丰富 哈哈, 唔够仲可以加忌廉和蜜糖
甜之梦想曲$198 (4.5/5)以下六款用香槟杯装甜品, 一个大嘅玻璃瓶入面再放甜品杯, 感觉好似一束花咁
咖啡慕斯配Oreo, 抹茶慕斯本朱古力布朗尼, 柠檬菠萝粒粒, 石榴白朱古力慕丝, 苹果金宝, 酒香白桃果
-石榴白朱古力慕丝
有一粒金色焦糖榛子放系忌廉面, 味道唔错, 怕食肥嘅我为咗减低罪恶感, 绕过忌廉, 食石榴白朱古力慕丝 哈哈, 选料里面粉红色嘅系台湾番石榴, 好清香
-酒香水蜜桃果店名espuma解作泡沬, 系日光下睇, 透明嘅白酒啫喱气泡将水蜜桃浮起杯中, 加上几片玫瑰干花, 一份浪漫感觉涌现出黎, 酒精味唔会太重, 易入口
-抹茶慕斯朱古力布朗尼绿茶味几香, 配朱古力浓度高嘅brownie , 整体都唔太甜, 如果做成一层朱古力一层绿茶, 食起上黎可以更享受, 哈哈
推介此餐厅 4/5 呢间店行轻路线, 各款小食甜品都好好平均消费$153, 6个人, 2个头盘+3个主食+5杯饮品+2个甜品
亦可睇下小妹之前到espuma中环分店的食评
http://www.openrice.com/zh/hongkong/review/%E4%B8%AD%E7%92%B0-espuma/2431414?tc=MYOR&con=rvw
Espuma
星期一至日: 12:00-23:00
尖沙咀厚福街8号H8 2楼
任何时段都可以book枱-> 2739 2080
湾仔店原来4月先开, 另有中环分店
张贴
