霸嗎拉麵 (已結業)

一起身就同朋友嚟食拉面，佢哋一开门我哋就入去，地方好大好舒服。佢拉面嘅汤底主打猪骨同鸡白汤，今期限定仲有龙虾拉面；小食就主要系饺子同炸鸡。我同朋友都嗌咗炙烧豚肉味玉拉面。因为朋友之前食过，觉得佢哋嘅汤底偏油，所以我哋今次叫咗少油。佢嘅面身偏粗，个人比较钟意食幼身嘅拉面。块豚肉原来系慢煮，卖相几靓！但瘦肉有点鞋口，肥肉又感觉有点油腻，只温泉蛋就整得几靓。反而佢嘅炸鸡几有惊喜，新鲜炸起，好香，鸡肉好滑。