京都勝牛 (Tower 535) (已結業)

喺京都好似好猛料，嚟到香港又点？我哋平日晏昼去，唔使排队直入。-嗌咗名物翼板伴鳗鱼套餐($188)、炸三文鱼柳套餐（$158），两个餐5分钟左右就送到——即炸都咁快❓🤔一摆落口，系空虚寂寞嘅味道，头一件勉强叫微暖，第二件已经系冻。自问唔讲究亦唔系好识影foodie相，每次都系快枪手影两张就开餐，睇开我嘅posts可能留意到我好多时挂住食，相都唔记得影🤪佢个温度真系好可惜，令人扼腕，因为撇除佢嘅冷冰冰，食物系几好食，吉列有水准、炸粉薄，入口香脆唔甩皮，唔会成口油。牛肉🥩肉质鲜嫩，三文鱼唔骚唔鞋、鳗鱼尤其出色，啖啖肉😋至于个麦饭口感丰富软糯，椰菜新鲜爽口，两煮都可以任添，以𠵱个价钱嚟讲，质素算合格有余。-可惜，佢酱汁无诚意，加上「冷盘」style，让世界痛心疾首😭而家就似，喺高级日本超市买啲炸物返酒店，冲完凉睇住电视食嘅感觉。如果你想扮去紧日本旅行，或者你可以考虑。