影片
更多
2018-09-07
1418 浏览
又喺同老友星期六嘅行山日，呢次得我哋两支公，可以拣啲难少少嘅，就一于行龙门郊游径，但就由城门行番上川龙，撑吓楼梯级。行咗两个半钟，算喺咁上下。行完，就无晌川龙饮茶，反而落番荃湾食越南粉面，喺老友介绍，就即管试吓。「越一越南牛肉粉专门店」位处路德围𠮶边，正正晌红十字会侧旁，地方四正企理，一室木系带点小清新，少少越南嘅竹帽做挂饰，餐厅尾又有一大张越南风景相，喺边度嚟就唔知，有机会我都想再去多转越南，暂时越南足迹只及河内及下龙湾 。午市时段，主要喺供应午市套餐，一系列汤河、饭、捞檬，定价$45-$62，全包一杯基本热饮，但可加钱转为其他越式特饮，此外，亦可升级加配越式小食。目测店员都喺啲后生仔女，服务都算几勤快，唯一甩漏喺我杯冻饮落错单。而餐具、鱼露，放晒晌枱上，自由取用。扎肉米纸卷 +$12见啲小食加配都喺十零、廿蚊，感觉几抵吓，就即管试试，不过，试过之后就觉得性价比低。先讲米纸卷，其实只有一条，一开二，睇佢送到嚟就知几迤吓。米纸卷塞满扎肉条、甘笋丝、米粉、青瓜丝、白萝卜丝及生菜，口感颇清爽，米纸唔会太韧，沾点鱼露提提味，算喺唔错。扎肉蒸粉包 +$16一客两件，而扎肉唔喺加入粉包内，而喺放
「越一越南牛肉粉专门店」位处路德围𠮶边，正正晌红十字会侧旁，地方四正企理，一室木系带点小清新，少少越南嘅竹帽做挂饰，餐厅尾又有一大张越南风景相，喺边度嚟就唔知，有机会我都想再去多转越南，暂时越南足迹只及河内及下龙湾 。
午市时段，主要喺供应午市套餐，一系列汤河、饭、捞檬，定价$45-$62，全包一杯基本热饮，但可加钱转为其他越式特饮，此外，亦可升级加配越式小食。目测店员都喺啲后生仔女，服务都算几勤快，唯一甩漏喺我杯冻饮落错单。
而餐具、鱼露，放晒晌枱上，自由取用。
扎肉米纸卷 +$12见啲小食加配都喺十零、廿蚊，感觉几抵吓，就即管试试，不过，试过之后就觉得性价比低。先讲米纸卷，其实只有一条，一开二，睇佢送到嚟就知几迤吓。
米纸卷塞满扎肉条、甘笋丝、米粉、青瓜丝、白萝卜丝及生菜，口感颇清爽，米纸唔会太韧，沾点鱼露提提味，算喺唔错。
扎肉蒸粉包 +$16一客两件，而扎肉唔喺加入粉包内，而喺放上面，再洒上葱花及炸蒜片，粉包嘅外皮又薄透，卖相几好。
咬一口，以为粉包皮薄，但折到下层好厚，口感极之唔好，而内里填满肉碎、菇粒、蔬菜粒……等等，就几好食，之但喺啲扎肉原来颇咸，之前食件米纸卷都唔觉，依家就咁食就十分之咸。
顺化香茅猪扒汤金边粉 $45友人就拣咗碗汤粉，睇落啲金边粉好似好少，其实只喺碗大，错觉而已，粉嘅份量绝对唔少。啲粉我就无试，唔知口感喺点，但就有试啲汤，算几有香味，而猪扒炸得甘香松化，只喺觉得有啲油腻，香茅味亦只喺隐若渗出嚟，切成小件就方便食用。
顺化香茅牛肉捞檬 $48因为行完山，总喺想凉快啲，所以，一早已打定拣食捞檬，唔会食到一身汗嘛。淋上少少鱼露，檬粉夹杂生菜、甘笋丝、白萝卜丝，入口真喺清爽，又有种酸酸甜甜既味道；但喺，啲香茅牛肉感觉有粉少少怪，腍就腍，但有微微浆浆哋口嘅感觉，就好似炒牛肉落得太多生粉水咁。
冻青柠梳打 +$6友人清清哋要杯热柠水，而小弟落单时喺要薄荷青柠梳打，仲手指指埋个名，但结果嚟错杯冻青柠梳打，只喺少咗薄荷，况且，落完单佢都有打张落单纸嚟，如果𠮶时有睇一睇就可以立时改番。都唔紧要，青柠梳打都OK，一心揾杯清爽冻饮凉快吓。
由于啲枱都几细张，又摆埋餐具、鱼露，我哋点咗两个小食、两个主食、两杯饮品，上菜无乜次序，有乜上乜，堆到一枱都喺嘢，个人觉得可以晌上菜方便处理好啲，节奏控制好啲，客人就会食得自在啲。事后上网睇番，见间嘢都有几多好评，正所谓空穴来风，事必有因，不过，小弟今次嘅经验，就觉得一般而已。
张贴
