海陸空

营业中

休息中

平日晚上6点开餐，可能时间尚早，餐厅嘅食客唔算多。餐厅大而广，枱与枱之间阔落，布置亦好有气氛。好快齐人，睇睇餐厅亦好快落单，上菜速度都好快：🍭前菜有6小碟，分别有泡菜、青瓜丝粟米沙律、酸萝卜、凉拌莲藕及薯仔、翠玉瓜。可以无限添加，当中以泡菜同青瓜丝粟米沙律较为出色，所以添左好多次。🍭辣炒年糕+油炸蔬菜年糕出奇地入味，而且烟靭得来口感腍，唔会咬极都系咁靭嘅感觉。炸蔬菜，炸粉口感薄而脆，无油腻感。🍭辣味肥牛豆腐汤配饭辣味适中，汤味中规中矩，略嫌肥牛配料较少。🍭海鲜拉面汤底味浓，胡椒味重，本身好胡椒味所以觉得几好味。🍭韩式芝士煎蛋卷整体口感味淡而且腻，有啲可惜。🍭韩式炸鸡（原味）炸鸡有啲失望，炸粉厚，炸粉表面干，炸得硬，鸡肉已经柴。🍭韩式炸鸡（甜辣）一样嘅肉质已经干，只是淋上甜辣味，未有太大分别。环境好宽阔，以为无咩人流但原来好快坐满，越夜越有气氛。