翟道翟

营业中

休息中

是晚朋友带咗我嚟Eastcore食泰国菜，到咗一间叫翟道翟的泰国餐厅，如果唔系某位港星，可能连呢个字都唔识读🤣店内楼底高地方亦很大，有不少卡位，店员很快便安排入座，送上水同埋餐牌，睇下食咩先。⭐青咖哩椰汁牛朋友话想食辣嘅咖哩，听讲青咖哩系所有泰式咖哩中最辣嘅，所以我哋点左青咖哩牛，青咖哩好香椰汁味，牛肉片嫩滑，配料仲有唔少青豆角同泰式茄子，味道认真唔错，但就唔算辣啰😋⭐曼谷蚝仔炒蛋第二样上枱嘅系蚝仔炒蛋，个人钟意食呢款𩠌，好多时去泰国餐厅都会叫😋卖相一圈一圈的好得意，入面有唔少蚝仔，仲有九层塔，咬落香口，下层垫了大量的芽菜，啱晒，今餐无叫菜，有咁多芽菜食平衡返😋⭐原只炆猪手猪手系原煲上，一开盖啲烟涌出黎好有效果😆猪手炆得软腍入味，已经骨肉分离好易食🤣下层垫了啲菜心，吸了酱汁好正㖞，仲有只烚蛋添。⭐香芒炒牛柳最后仲有香芒炒牛肉，入面有唔少芒果块，仲有三色椒，颜色望落好靓呢🥰用上黑椒炒，香口惹味，牛柳粒嫩滑甘香，呢味菜好睇又好食。⭐泰国丝苗白饭本来谂住叫个薄饼配咖哩，但见咁好𩠌都系叫白饭啦，泰国餐厅梗系用上泰国丝苗米啦😆好饱呀😆本身谂住食完再加芒果糯米饭做甜品，但真系食唔落了，留返下次啦。