影片
更多
2021-01-23
182 浏览
中午同同事去咗旺角T.O.P食晏，搭地铁劲快劲方便，舒服过喺自己区揾食，因为唔使喺人群中穿插。我哋去咗四楼嘅「No Money So Lonely」食晏，个名又搞笑又惨😝😭。餐厅空间超大，分唔同区域，每区环境装修都玩味十足，别出心裁，相当型格😎。呢度就连🍽餐具同纸巾都有经过精心设计，抵赞👍！餐牌上嘅菜名好正，不过如果读出嚟会有啲尴尬😳，哈哈。食物种类包括小食、沙律、薄饼、意粉、饭、甜品以至各式饮品。生旧素叉烧好过生你比萨配秘制麦芽糖酱($108)，🍕薄饼直径大约9至10吋，系薄脆批嘅款式，所以唔惊会食到滞咗。依个可算系素Pizza，因为用上素叉烧，应该系豆类制品，不过都系真肉好食啲🙈。酱汁方面，起初食觉得甜甜哋，几新奇，但两个人食到尾就有少少腻，所以建议多啲人Share食会好啲。烟三文鱼海鲜酱意大利面($112)，🍝扁意粉卖相唔错，口感弹牙、有嚼劲。骤眼睇都已经觉得好多汁，食落果然无落差，不过估唔到嘅系原来「海鲜酱」系咁辣🌶，仲要唔系BB辣𠮶种呢，但确系几惹味嘅🤤。烟三文鱼砌成一朵花🌹，靓得嚟，份量仲要唔孤寒，有三大块！腐皮扎肉($68)，可能由于系炸嘅关系，佢系呢餐最迟上嘅食物。🍢腐
中午同同事去咗旺角T.O.P食晏，搭地铁劲快劲方便，舒服过喺自己区揾食，因为唔使喺人群中穿插。我哋去咗四楼嘅「No Money So Lonely」食晏，个名又搞笑又惨😝😭。
餐厅空间超大，分唔同区域，每区环境装修都玩味十足，别出心裁，相当型格😎。呢度就连🍽餐具同纸巾都有经过精心设计，抵赞👍！
餐牌上嘅菜名好正，不过如果读出嚟会有啲尴尬😳，哈哈。食物种类包括小食、沙律、薄饼、意粉、饭、甜品以至各式饮品。
生旧素叉烧好过生你比萨配秘制麦芽糖酱($108)，🍕薄饼直径大约9至10吋，系薄脆批嘅款式，所以唔惊会食到滞咗。依个可算系素Pizza，因为用上素叉烧，应该系豆类制品，不过都系真肉好食啲🙈。酱汁方面，起初食觉得甜甜哋，几新奇，但两个人食到尾就有少少腻，所以建议多啲人Share食会好啲。
烟三文鱼海鲜酱意大利面
$112
5 浏览
0 赞好
0 留言
烟三文鱼海鲜酱意大利面($112)，🍝扁意粉卖相唔错，口感弹牙、有嚼劲。骤眼睇都已经觉得好多汁，食落果然无落差，不过估唔到嘅系原来「海鲜酱」系咁辣🌶，仲要唔系BB辣𠮶种呢，但确系几惹味嘅🤤。烟三文鱼砌成一朵花🌹，靓得嚟，份量仲要唔孤寒，有三大块！
腐皮扎肉
$68
9 浏览
0 赞好
0 留言
腐皮扎肉($68)，可能由于系炸嘅关系，佢系呢餐最迟上嘅食物。🍢腐皮扎肉造型有啲似烧卖，一客有八粒，配沙律酱食。本身见个样以为系入货，不过咬开就知系真材实料。腐皮似烧卖皮，入面包住嘅肉馅由扎肉、粉丝同蔬菜丝等组成，好特别。Btw扎肉同越南舖食开嘅有啲唔同🤔。
总括嚟讲，餐厅唔系净系得个样，食物出品都好好食😋。以商场舖而言，佢定价唔算贵，一百蚊左右都食到主菜，又够饱。女店员靓女又好人🙏🏻，会主动介绍菜式。推介🌟！
张贴
