影片
更多
2021-05-31
283 浏览
今次係迪士尼第一次搞wine and dine festival😍顧名思義即係又有好西食又有酒飲啦😚之所以叫稱上皇室盛宴，除咗食物質素唔差之外，價錢都好高貴下架👑咁小編計過買一個coin就$40，買10個就有Donald sipsip杯送🥰20個就送頭箍😍而基本上都係1個coin一樣嘢食，酒精飲品就扣2個，兒童餐同啲名貴炒飯就扣3個☺️抵唔抵就見人見智啦😗咁小編就買咗20個coins (好明顯小編就係為咗個頭箍而買架啦)😋我哋2個人用咗13個，食云前菜主菜甜品，都已經飽到捧住個肚走兼唔洗食晚餐🥸大家留意，活動做到6月30號咋🥺要去就快啲啦😙*今次同大家介紹啲鹹點先🥰想知甜品就繼續留意啦🤪🍝帕馬森卡邦尼意粉呢個簡直係飽肚之選😍雖然份量唔算好多，但加埋其他嘅食真係會飽哂🤤但卡邦尼味道唔算好濃，不過芝士味突出😊而且有蘑菇同煙肉，都幾足料🤩🌯土耳其烤肉烤肉包住喺手抓餅皮，方便遊客帶出去食😃味道方面烤肉味道可口，而且肉質都幾嫩，配上特色嘅醬汁同沙律菜，整體感覺好fresh😍呢個同其他唔同，佢係凍食㗎，所以都幾特別😚🐂🐭燴川辣牛肉米奇頭酥盒Cast member 話呢個係廚師得獎作品，咁就試下啦🤤賣
咁小編就買咗20個coins (好明顯小編就係為咗個頭箍而買架啦)😋我哋2個人用咗13個，食云前菜主菜甜品，都已經飽到捧住個肚走兼唔洗食晚餐🥸大家留意，活動做到6月30號咋🥺要去就快啲啦😙
*今次同大家介紹啲鹹點先🥰想知甜品就繼續留意啦🤪
🍝帕馬森卡邦尼意粉
呢個簡直係飽肚之選😍雖然份量唔算好多，但加埋其他嘅食真係會飽哂🤤但卡邦尼味道唔算好濃，不過芝士味突出😊而且有蘑菇同煙肉，都幾足料🤩
🌯土耳其烤肉
烤肉包住喺手抓餅皮，方便遊客帶出去食😃味道方面烤肉味道可口，而且肉質都幾嫩，配上特色嘅醬汁同沙律菜，整體感覺好fresh😍呢個同其他唔同，佢係凍食㗎，所以都幾特別😚
🐂🐭燴川辣牛肉米奇頭酥盒
Cast member 話呢個係廚師得獎作品，咁就試下啦🤤賣相好靚，米奇頭好啱打卡😍食落有麻辣味但唔算辣，兩隻米奇耳仔分別裝住薯蓉同南瓜蓉，同麻辣牛肉好夾🤤但略嫌唔夠熱🙁
🧀🍼椰菜花北海道牛乳芝士撻
呢個同樣係得獎菜式😇賣相幾靚，同樣係米奇頭🐭食落芝士味濃郁，但非常乾☹️食到入面啲汁冇哂，個人唔太推薦呢個😢
🐽煎雜肉腸
腸仔同平時出去買到嘅差唔多，要讚嘅係佢真係煎得好香😍不過如果你有嘅token唔多就唔洗特登嗌啦😉
🐂燒西冷牛肉
以$40嘅質素嚟講絕對唔差！肉質都幾嫩滑，唔會話好霉爛😋而且燒得幾香😛大家可以一試！
🧡🌫泡沫幻影
呢一杯主要係烏龍茶，檸檬汁同蜜桃汁🥰咁我地就嗌咗有酒精版😈配搭相當新鮮，飲落有淡淡嘅蜜桃味，但唔算好濃😚加埋酒精感覺清新，為炎炎夏日帶嚟一絲涼意😜
🌷👫🏻 花之戀人
呢一杯主要係荔枝蓉，檸檬汁同梳打水😇咁呢杯就叫咗冇酒精嘅☺️朋友仔以飲品上面加咗啲好似三文魚子嘅粒粒🤣原來係玫瑰分子嚟嘅😙呢一杯比泡沫幻影濃味同甜，不過更似飲緊有氣嘅荔枝汁🍹
🦛提提大家，飲品仲有沙冰可以揀，不過味道會每個星期轉一次，可能大家下個星期去就唔會見到呢兩杯啦☹️
🌟7/10
18 浏览
0 赞好
0 留言
15 浏览
0 赞好
0 留言
7 浏览
0 赞好
0 留言
18 浏览
0 赞好
0 留言
3 浏览
0 赞好
0 留言
张贴
