老馮茶居 (大棠路)

每逢经过呢条人来人往既小街，都想试下呢间茶居，大概系俾门面怀旧既装修吸引罢!趁周末瞓饱就特登黎饮个午茶，好在我地1点前黎到咁岩有位，唔使排队 食完之后就出现了人龙!小小茶居格局几细所以有少少逼挟，座位分别系圆台或侧边既4人卡位。所有布置及餐具都充满左香港70年代既风味，令我谂起某首歌「人情人情如做戏。。。」  店舖较新净及铺面由一班年轻人黎打理，有一种新旧交错既感觉!食物好快上叉烧肠上台既时候,waiter会问需唔需要酱油，要既话佢就随意倒左d落黎，但落得未免太多喇吧!不够滑既肠粉皮，夹杂著甜甜地既蜜汁叉烧粒，不过不失!用钵仔蒸既窝蛋牛肉饭，生蛋分开上，自己打只蛋上去，再捞匀食，混合似牛肉球既牛肉质地软身， 又几好味㖞其他点心要即蒸既关系，最迟先上。我最欣赏既系沙嗲猪大肠，猪大肠好腍，一d都唔韧，浓郁既沙嗲汁蒸得好入味到埋单既时候，惊觉茶芥只需$3一位咋，超平呀!总结而言，装修不错，相信落左唔少心思!上菜速度够快，食物都几好味，但略嫌款式唔够多!