富臨漁港 (已結業)

咁岩经开呢头，附近除左大排档就系富临，帮阿妈拎住几袋野，去酒楼食野会坐得比较好。下午茶时间唔算太多人，都算坐得宽阔，不过阿姐收野啲速度就好慢，有成几张枱未执好，呢方面卫生嘛嘛。次次都食虾饺既我点会唔叫虾饺，呢度虾饺都几大粒，虾弹牙，皮亦薄。蟹粉小笼包既皮同虾饺相反，劲厚，而且亳无蟹粉汤汁，内里肉馅干，蒸得过火。咸水角烟韧咸香，煎酿茄子鱼肉鲜美香脆，茄子唔太油腻。牛肉肠粉皮薄嫩滑，牛肉满泻，牛味颇浓。想食带子既我见有蜂巢带子盒，点知系伏。内里唔系带子黎，系肥猪肉，有啲油，入面芋蓉冇味，好失望。