坤記粥店

营业中

休息中

平时食开西式早餐，今日突然想食粥加油炸鬼，就特登行出黎睇下有咩粥舖，见到呢间，有只猫猫冲左出黎，再望望入面有猫店长，好啦，就系你啦，咁我就入去啦。叫左碗猪红艇仔粥$22，油炸鬼$9 ，共$31。个粥ok啦，因为我好怕d粥沟粉好杰冇粥味果只，呢度系正正常常既粥底黎，入面d料都系正常野冇咩特别评价，唔会话难食，但又唔会话特别好食咁。油炸鬼见到系系门口位有个炸镬即炸既，热辣辣够脆，我钟意油炸鬼浸住d粥黎食但由于太大条既关系，我剩系食到半条。老式粥舖好多街坊客帮衬，店员做到手唔停连收钱都冇时间收咁滞，老板收钱时feel到几亲切。