影片
更多
2020-07-08
2671 浏览
以往嘅生日饭都会喺某酒店解决，但自从过去两年发现水准渐渐下降之后，今年决定试新野。左睇右睇，最后拣咗amigo。知道有呢间餐厅好耐，一直都冇机会去....香港美食多的是，今次终于可以试吓。虾子饼早几日就打电话嚟订位，并且同侍应讲低咗系庆祝生日，蛋糕上面要写咩字（庆祝生日餐厅会送细拿破仑蛋糕一个）。喺铜锣湾shopping一阵之后，就直接过餐厅食嘢。我同虾子饼经过呢度嘅门口无数次，今次都系第一次入去。一去到嘅时候门口已经有职员帮我哋开门，带我地去楼上坐低。餐厅本身唔大，枱同枱之间嘅距离比我想像中近。由于一早订咗位嘅关系，佢哋安排咗一个圆形梳化位俾我哋两个，上面仲已经有刻好名嘅note pad。我哋两个都唔饮酒，所以要左两杯sparkling water 。另外每人要咗个四道菜嘅set, 头盘Parma ham, 煎鸭肝各一；汤clam chowder， 鲍鱼蘑菇各一；主菜煎羊架，牛扒各一；甜品疏乎厘，brownie 各一。先讲头盘，鸭肝煎得好香，Parma ham 一般般；汤clam chowder 好rich，蘑菇鲍鱼汤反而有少少格格不入（但味道ok) 。值得一赞嘅系餐厅嘅面包，够热之
知道有呢间餐厅好耐，一直都冇机会去....香港美食多的是，今次终于可以试吓。
虾子饼早几日就打电话嚟订位，并且同侍应讲低咗系庆祝生日，蛋糕上面要写咩字（庆祝生日餐厅会送细拿破仑蛋糕一个）。
喺铜锣湾shopping一阵之后，就直接过餐厅食嘢。我同虾子饼经过呢度嘅门口无数次，今次都系第一次入去。一去到嘅时候门口已经有职员帮我哋开门，带我地去楼上坐低。
餐厅本身唔大，枱同枱之间嘅距离比我想像中近。由于一早订咗位嘅关系，佢哋安排咗一个圆形梳化位俾我哋两个，上面仲已经有刻好名嘅note pad。
我哋两个都唔饮酒，所以要左两杯sparkling water 。另外每人要咗个四道菜嘅set, 头盘Parma ham, 煎鸭肝各一；汤clam chowder， 鲍鱼蘑菇各一；主菜煎羊架，牛扒各一；甜品疏乎厘，brownie 各一。
先讲头盘，鸭肝煎得好香，Parma ham 一般般；汤clam chowder 好rich，蘑菇鲍鱼汤反而有少少格格不入（但味道ok) 。值得一赞嘅系餐厅嘅面包，够热之余，侍应会好细心见到你食完问需唔需要再加，我忍唔住食咗两旧大嘅法国面包，配埋玫瑰造型牛油好好味。
系呢个时候侍应上咗两杯雪糕嘅物体俾我哋，原来系sorbet , 俾我哋清一清味蕾，预备嚟紧嘅主菜，安排值得一赞。
主菜我哋两个都系要咗medium, 煎得恰到好处；至于甜品我觉得个疏乎厘好好食，反而brownie 麻麻哋。
系呢个时候侍应拎咗生日蛋糕过嚟，live band 唱咗首生日歌只可惜我已经好饱，侍应好细心咁主动问我哋需唔需要打包个蛋糕。难得有live band 可以点歌，我当然点番首我最近爱上嘅猫王情歌（要记得即刻打赏返）。
其实餐厅食物嘅质素普普通通（当然呢个价钱真系冇得输），佢优胜嘅地方系服务，成个dining experience—侍应每上一道菜都会系张枱嘅旁边热著咁上，装嘢食嘅器皿系热嘅职员服务好好，会留意客人食完一样野先再慢慢上下一个，而且好主动帮忙影相 ，另外每位女士都会收到玫瑰花一支。喺呢度庆祝纪念日或者生日真系冇得顶。我自己就成晚都好沉醉系呢个old-fashioned romance。
讲返个拿破仑生日蛋糕，唔知系咪已经制作左一段时间，上面嘅士多啤梨好似有啲干.....
可能受疫情影响，又或者因为唔系weekend嘅关系，餐厅地下果层冇开，上层只系有七至八张枱左右，希望餐厅能够挨过呢一次嘅危机.....因为我打算再嚟帮衬。
疏乎厘
80 浏览
0 赞好
0 留言
羊架
84 浏览
2 赞好
0 留言
Clam chowder
63 浏览
0 赞好
0 留言
煎鸭肝
63 浏览
0 赞好
0 留言
张贴
