北方餃子源 (已搬遷) 新店位置

转左工之后，多左好多机会黎尖沙咀佐敦一带揾食。今日放工唔知食咩好，于是行下佐敦睇下有咩特色小食。当见到呢间小店既时候，发现之前好似响湾仔见过，而刚好特六点几到既时候又无咩人，所以我就一个人入去试试！由于我有选择困难，呢度既餐牌设计非常贴心，饺子有5粒或10粒版本，我可以每款点5粒试试《韮菜猪肉饺》热辣辣既煎饺子即叫即煎，外层煎得金黄香脆，虽然饺子皮较厚身，但仍十分香口，感觉唔会好肥腻，而中间既馅料都好足料，涨卜卜又juicy!!韮菜同猪肉比例平均，味道香甜惹味！《鲜虾韮黄猪肉饺》点完先发现，其实同上面既饺感觉差不多，只系多左虾，所以价钱会再贵啲啲，但同样咁好味！值得一提，店员哥哥非常友善，我问长问短问左好耐佢都好有耐性解答